close
13/8凌晨2點陣痛又開始黎,但今次感覺好似同之前有D唔同, 痛到4點幾都瞓唔著,唯有出走廊散散步(無記錯當日係由凌晨係走廊來回散步到中午12點=.=" )
當時時個種痛係5分鐘痛30-40秒左右,痛既時侯真係行都行唔到,要企係到抖到陣痛過去先可以行.自知應該都係1-2日內bb就會出世,
到下午醫生循房陣痛又再減少左,無耐地醫生就俾我出院,哈哈! 又成功逃離醫院
當我下午4點出左醫院返到屋企個種好有規律既陣痛又黎搵我,仲越黎越痛 =.="
無論瞓係床,企,坐都痛到形容唔到. 其實當時相信今次一定唔係食詐糊, 但係我由出院個刻決定點都要等到見紅先入院, 哈哈..無謂浪費時間嘛! 直至半夜3點幾有幾次都覺得想去大便又去唔到, 肚痛得好厲害就去廁所望望, 終於見紅啦!
於是即時叫醒老公call的士,點知打去call台連的士都無, 老公都心急起黎, 依個時候我覺得我真係好勁, 我仲好淡定同老公講慢慢黎啦,最後突然醒起無耐之前我叫我過8折的士, 就叫老公打電話去睇下有無車可以到我地樓下.
等左一陣終於call到的士,去到醫院大概就快4點lu! 見紅之後發覺d陣痛比之前既痛左好多 =.= 仲要2-3分鐘痛一次.到左7樓婦產科做檢查後原來已經開到4度, 哈哈...終於俾我等到可以直接落產房.初初以為產房係好恐佈,原來一d都唔恐佈架喎! 
落到產房之後要求姑娘幫我打止痛針,點知姑娘話要check下d針適唔適合我先可以用.(即係要等)但個時真係真係好痛.姑娘話唯有叫我聞笑氣頂住先,其實笑氣只係聞第一次就work, 其後真係一d作用都無. 5點幾左右痛楚又升級左但姑娘話子宮開既度數
仍然維持4度(心諗唔係嘛, 好痛囉喎, 仲係4度) 原來係未穿胎水, 姑娘就幫我人手穿水.當時個刻感覺有野拮左一下就流左一d好暖既水出黎. 後來先知之前既陣痛係小兒科,穿水後既陣痛又增強左,除左痛之外我只係知道好想去大便, 於是叫姑娘過黎, 話佢知我好想痾.(哈哈, 因為阿囡個頭落左好多,感覺好似想去大便咁)
大概6點幾姑娘叫我忍住,唔好大力痾因為大力去迫bb會心跳弱,鬼唔知忍咩, 但如果你攪肚痛得好緊要, 但又唔俾你去廁所, 你話點忍!於是姑娘幫我check下子宮,佢話可以俾我生,當時我仲好清醒同姑娘大聲講 "姑娘, 唔生得住, 我老公未入黎" 哈哈! 
好快老公就入左黎產房陪係我隔離,當時隔離房既姑娘都一齊入黎幫我打氣, 個刻真係好鬼warm.
當陣痛又黎既時候我就用力push,大概push左8-10下左右bb就出世lu!姑娘整理之後就俾bb放係我心口,一個小生命就咁誕生.當生完個刻真係感覺去左一次排毒咁, 哈哈! 但之後姑娘幫我推胎盤出黎真係超痛,仲感覺到流左好多血,原來一個胎盤真係超大個仲幾肉酸 =.=" 連老公都話恐佈.生完bb之後大概等左一個鐘多d先縫針,乜野陣痛都過哂先黎縫真係唔痛就假啦, 推出產房後見到老公眼紅紅咁(原來個傻佬話見我生bb好辛苦所以眼紅紅)
由於醫院床位好full upgarde左我去私家病房, 環境當然比普通病房清靜而且有獨立廁所添! 但我同bb住左1晚就要我地出院返屋企lu!
全站熱搜
留言列表
