close
一年一度既情人節.....咁岩係萱萱豬既半歲, 要返健康院打3針,
你睇下天真無邪既小朋友都未知要俾人打針仲笑得幾開心
我地約左9:45分打針, 去到等左一陣就見姑娘度高磅重,
唉...一上磅都預左佢會超重, 6個月成21磅幾 69.5CM高,
見完姑娘又要見醫生, 竟然醫生話唔駛減肥.
因為實在唔知可以點減, 因為萱豬每日只食5餐, 每餐180ML(有時都食唔哂),
已經減無可減. 反而醫生TEST佢企話見萱豬成日用腳尖企, 要我地返屋企教佢用成隻腳掌企,醫生為怕佢會有問題所以要四月份再返去檢查.
見完醫生後就等打針, 初初我企係板後面諗住可以睇唔到, 因為由阿婆去捉腳仔.
點知打到第三針姑娘竟然叫: 媽咪, 唔該過黎幫手按依邊腳! 天呀, 我最怕既野竟然要我做, 我唯有硬住頭皮用手按, 而頭就望向第二度先順利無喊(係我無喊).
而阿囡呢, 都好叻叻, 只係喊左幾聲, 出到門口就收哂LU!
到下午5點去等老公放工食飯, 今年既SUPRISE係估都估唔到岑生會送花!
哇哈哈, 真係驚喜
因為時間太早既關係就隨便入左一間日本店食DINNER,
人又唔多仲可以靜靜地咁食, 都幾好! 雖然只得3個鐘既空閒時間食餐普通既晚飯
但真係好開心, 食飽飽就返屋企湊囡LU!!! 老公話期待下年2女相伴佢渡過情人節
全站熱搜
留言列表
