close
仲有3日就預產期LU!
估唔到臨生之前都俾我住一晚醫院做預習, 哈哈! 星期六5:00AM開始陣痛(但無規律),
一直痛到8:00AM, 痛到連腳都痺, 考慮左一陣決定都係入院CHECK下比較安全, 點知阿囡一入到醫院駁機CHECK胎心既時候就開始無咁痛
真係唔知係咪玩野!
真係唔知係咪玩野! 但醫生話CHECK到我子宮有宮縮情況都要我留院一晚做觀察.
留係醫院真係悶到想死, 又無野可以做, 只係可以瞓, 坐, 行都無地方你行
不停咁見身邊既大肚婆作動, 有D一入院就唔駛一個鐘就可以落產房, 有D就睇住佢痛左十幾個鐘先開得1度不停咁叫痛,有D痛到踢人(好似失哂理智咁)真係係身邊都感受到做媽媽真係一D都唔易.原來穿水真係好鬼麻煩, 我見有個媽咪一入黎就穿水, 一企起身地下就一大灘水, 攪到連姑娘嬸嬸都要做餐曚
發覺真係好多大肚婆都係半夜先黎作動, 一到半夜就會有好多媽咪入院, 而半夜姑娘真係忙個不停, 而我不停見D人出出入入真係無覺好瞓.住左1晚簡直想死, 諗住下午可以出院啦, 醫院應承下午4點幾會俾我出院, 等呀等, 醫生連人影都唔見, 等到7點幾, 眼淚都走埋出黎, 姑娘又唔理我, 醫生又唔知去左邊 最終等到7點鬆D終於見到醫生出現, 即時俾我出院, 個刻真係好似放監咁成個人都鬆哂, 返到屋企真係好
最終等到7點鬆D終於見到醫生出現, 即時俾我出院, 個刻真係好似放監咁成個人都鬆哂, 返到屋企真係好
全站熱搜
留言列表
